Azərbaycanda hərbçi yol qəzasında həlak oldu - VİDEO (YENİLƏNİB)

Daxili İşlər Nazirliyi hərbçinin həlak olduğu qəza ilə bağlı məlumat yayıb.
Həmin məlumatı təqdim edirik:
"Aprelin 2-də saat 21 radələrində Ağcabədi rayonunun Minəxorlu kəndi ərazisində F.İbrahimli idarə etdiyi “VAZ-2107” markalı avtomobili divara vurub. Nəticədə avtomobildəki sərnişin Emin Məmmədov hadisə yerində, sürücü isə xəstəxanada ölüb.
Ağcabədi Rayon Polis Şöbəsində araşdırma aparılır".
***
10:06
Ağcabədi rayonunda yol-nəqliyyat hadisəsi baş verib.
Tovuz rayon Düz Cırdaxan kənd sakini 1995-ci il təvəllüdlü Məmmədov Emin Nizami oğlu qəza nəticəsində dünyasını dəyişib.
E. Məmmədov Azərbaycan Ordusunun hərbi qulluqçusudur.
Tovuz rayonu Düz Cırdaxan kənd icra nümayəndəsi Akif Mehdiyev saytımıza açıqlamasında bildirib ki, Emin Məmmədov ailəli olub:
"Həyat yoldaşı Tovuzda yaşayırdı. Onların 2 övladı var".