Göyçay sakininə məxsus 28 baş qoyun oğurlandı

Göyçay rayonunda oğurluq hadisəsi olub.
"Unikal"ın məlumatına görə, hadisə rayonun Çərəkə kəndi ərazisində qeydə alınıb. Naməlum şəxslər gecə saatlarında Ucar rayon sakini, 1964-cü il təvəllüdlü Cəbrayılov Təhməz Şirxan oğlunun Çərəkə kəndindəki evinin həyətyanı sahəsinə qanunsuz daxil olaraq tövlədəki 28 baş qoyunun hamısını oğurlayıblar. Təhməz Cəbrayılov bildirib ki, oğurluq olan ərazi Göyçayın Çərəkə kəndinin Ucar şəhərinə birləşik ərazisində olduğu üçün məsələ ilə bağlı hər iki rayonun polis şöbələrinə məlumat verib. 
Faktla bağlı araşdırma aparılır.