Ağcabədidə “VAZ-2107” ilə "Mercedes" toqquşdu - Ölən var

Ağcabədidə iki avtomobilin toqquşası bir nəfərin ölümünə səbəb olub.
Daxili İşlər Nazirliyinin mətbuat  xidmətindən verilən xəbərə görə, rayonun Qaravəlli kəndi ərazisində kənd sakini Mehdi Ağayevin idarə etdiyi “VAZ-2107” və Bərdə rayon sakini N.Məmmədovun idarə etdiyi “Mercedes” markalı avtomobillər toqquşub. Nəticədə M. Ağayev aldığı xəsarətlərlə xəstəxanaya aparılarkən yolda ölüb.   
Faktla bağlı Baş İstintaq və təhqiqat İdarəsi tərəfindən araşdırma aparılır.