Kontakt Home şəhidin yataq çarpayısını müsadirə etdi...- Bunu nə xalq, nə Allah, nə də Prezident bağışlamayacaq

Deputat Elnur Allahverdiyev deyir ki, bizə BİRLİK lazımdır.

Şəhidin  kreditə alınmış  yatağını-çarpayısını evdən aparan SƏNİNLƏ  biz necə birlikdə ola bilərik..? 

Bu gün Milli Məclisin üzvü, 2001-ci ildən 2020-ci ilə qədər “ABC-Telecom” MMC-nin Baş direktoru, 2014-cü ildən  2019-cu ilədək  Sloveniyanın  Azərbaycanda Fəxri konsulu olmuş, 2018-ci ildən Azərcell-in Müşahidə Şurasının sədri və  “Kontakt Home”  mağazalar şəbəkəsinin sahibi olan…
Adamın vəzifələrinin, səlahiyyətlərinin “uzunluğuna”  fikir verirsiniz….
Bəli, söhbət  1995-1999-cu illərdə ABU-da  təhsil alan Elnur Allahverdiyevdən gedir. 
Bəs adam necə  fəxri konsul oldu, necə millət vəkili seçildi, necə ən böyük şirkətlərə  sahib oldu..? 
Bu suallar ətrafında baş sındırmağa  dəyərmi ? 
Elnar  Allahverdiyev  çox uzaq deyil, cəmi bir ay əvvəl, yəni şəhidlərimizin  qanı qurumadan verdiyi müsahibədə deyir ki, BİZƏ  BİRLİK LAZIMDIR, GÜC BİRLİKDƏDİR…
Cənab Allahverdiyev ! 
Kimlərdənsə eşitdiyin sözləri təkrar edirsən. Birlik başqa və fərqli anlayışdır. Oğrular, quldurlar, cinayətkarlar da BİRLƏŞİB GÜC olur, deputat olur, şirkət sahibi olurlar. Bizə oğruların, cinayətkarların birliyi lazım deyil.
Biz səninlə necə bir ola bilərik ki, sənin şirkətin şəhidin kreditə alınmış yatağını-çarpayısını evdən aparıb.
Adam, başa düşürsənmi, bu nə boyda rüsvayçılıqdır..? 
Sən gələcəkdə çox günahlarını bəlkə də yuya biləcəksən, amma bu sənin alnında QARA LƏKƏ kimi qalacaq.  
Şəhidin anası yalvarır ki, bu yataqda oğlum cəmi bircə ay yatıb sonra döyüşə getdi  və şəhid oldu. Şəhidin anası deyir ki, bu yataqdan oğlumun iyini alıram, təsəlli tapıram. 
Bütün bunlara baxmayaraq sənin şirkətinin nümayəndələri şəhidin yatağını zorla evdən aparırlar. 
Adam, şirkətin cürbəcür bəhanələr gətirir, öz əməllərini əsaslandırmağa  çalşırlar. Lap tutaq ki, şəhid ailəsini, yaxud qaynanasının sənin şirkətinə BORCU olub. 
Adam, bu insan vətən uğrunda şəhid olub, hamımız, sən də ailən də, dədən, baban da o şəhidə borcludur. 
Dədən dedik, yada atan Marat Allahverdiyev düşdü. Bəxtiyar Vahabzədənin oğlu İsfəndiyar  Vahabzadə  sizi ermənilərlə qohumluqda ifşa etmədimi ? 
Niyə cavabını verə bilmədin ? 
Atan  Marat Allahverdiyev  Ayaz Mütəllibovun vaxtında  ən yüksək vəzifələrdə işləyəndə  Ulu Öndər  Heydər Əliyevin əleyhinə təbliğat aparmırdı ? Atan  Heydər  Əliyevin qatı əleyhdarı idi. 
Düşərgənizi necə dəyişdiniz ? 
Bu adam haqqında yazılanlarla bağlı bircə söz bilir - mənə qarşı qərəzlidirlər. 
Yuxarıda yazdıqlarımızın  hansı qərəzdir, hansı böhtandır ? 
Sən Azərbaycan dövlətini aldatmısan, Sloveniyanın Azərbaycanda konsulu ola-ola deputatlığa  namizəd olmusan. Bu yalandır ? 
Sənin başqa bir dövlətin- Sloveniyanın qarşısında öhdəliyin olub. 
Sənə məxsus Kontak Home şirkətinin  istehlak kreditləri adı altında vətəndaşları aldatmasını, sənin cəmiyyətdə  “sələmçi” adını qazanmağını və digər əməllərini nəyinsə ayağına bəlkə də yazmaq olar. 
Amma gözü yaşlı şəhid anasının yalvarışlarına baxmayaraq oğlunun yatağını aparmağı, sən nə xalq, nə Allah, nə də Prezident bağışlamayacaq. /Gundelik-baku.com/