Baş həkim Qasım Rzayevin ''rüşvət'' şəbəkəsi...- O, 3 saylı Stomatoloji poliklinikanı necə özəlləşdirib ?

Açıq etiraf etməliyik ki, sabiq səhiyyə naziri Əli İnsanovdan sonra səhiyyə ocaqlarında, xəstəxanalarda, poliklinikalarda vəziyyət qismən düzəldi.  Yəni dövlətin ayırdığı xeyli maliyyə vəsaiti tibb ocaqlarını ayağa qaldırdı. 
Amma təəssüf ki, tibb ocaqlarına dövlət vəsaiti ayrılmasına, həkimlərin maaşının artırılmasına, tibb ləvazimatların və dərmanların verilməsinə baxmayaraq bəzi baş həkimlərin tamahının qarşısını almaq mümkün olmadı. 
Belə ki, dövlət xəstəxanalarında  müalicə pulsuz olduğu halda baş həkimlər rəhbəri oldu tibb ocaqlarına öz şəxsi obyektləri kimi baxırlar. Yəni kimin pulu varsa, müalicə olunur, kimin pulu yoxdursa, qapıdan qovulur. 
Belə tibb ocaqlarından biri də Nərimanov rayonu ərazisində yerləşən ( V.Mayakovski küç. 11 )  3 saylı Stomatoloji poliklinikadır. 
Polklinikanın baş həkimi Qasım Rzayev, müavini isə Fikrət Qasımovdur. ( 567- 44 – 55 ). 
Poliklinikada  həkimlər özbaşınalıq edir, xəstələri narazı salır, rüşvət tələb edir, pulsuz müalicə etmirlər. Müalicənin qiyməti isə  demək olar ki, hər ay artır. 
Baş həkim Qasım Rzayev həmişə həkimlərdən “aylıq”  tələb edir ? 
Redaksiyamıza daxil olan məlumata görə, baş həkim poliklinikanı özəlləşdirib.
Necə və hansı yolla özəlləşdirib ?
Qarşı tərəfin mövqeyini öyrənmək üçün telefon əlaqəsi saxlamağa cəhd etsək də telefona cavab verən olmadı. /Gundelik-baku.com/