Siraqəddin Cabbarov Saatlı və Sabirabad camaatının gözünü “mazol” edib... - İlhaməyə villa bağışlayan icra başçısı şəhidin ailəsinə 5 dəqiqə vaxt ayırmaq istəmir...

11 il  Saatlını talayan icra başçısı  Siraqəddin  Cabbarov  2 ildir  Sabirabadı  qaşıyır...

İcra başçısı 70 yaşlı sakinin üstünə cumur, söyür, təhqir edir..

Adətən pis yolun yolçuları, pis əməlin sahibləri  ərazidən- “uçastka”dan  uzaqlaşmağa, gözdən uzaq bir yerdə yenidən  “bazar açmağa”, “öz əməllərini” davam etdirməyə çalışırlar. Çünki  insanların gözünü “mazol” etmək dünyada ən iyrənc bir şeydir. 
Amma  11 il Saatlıda icra başçısı olmuş Siraqəddin Cabbarov  qonşu Sabirabadda  icra başçısı olmağa məmuniyyətlə razı oldu. 
Təsəvvür edirsiniz, Sabirabadla  Saatlı camaatı  loru dildə desək bir-birinin “ağzının içindədir”, hamısı bir-biri ilə qohum-əqrəbadır.  
Görəsən,  11 il Saatlıda pis əməlləri ilə ad çıxarmış  Siraqəddin  Cabbarov  heç  düşünmədi ki, qonşu Sabirabadda  necə özünü icra başçısı kimi təsdiq edə bilər ? 
Axı, bir məsələ var, lətifəsi səndən uzaq olsun, ay Siraqəddin müəllim, məscidin qapısı açıqdır....
Ay Siraqəddin müəllim, axı, tərəkəmələr mərd olur, sən camaata qarşı bu namərdliyi haradan öyrəndin?    
Axı, səni tanıyanlar gözəl bilir ki, sənin keçmişin kim olub...
Səni Ramiz Mehdiyev gətirib bu mərtəbəyə çıxarıb. Sən onun xeyir-duası ilə gəlib icra başçısı olmusan. 
Sən Binəqədidə İcra Hakimiyyətində “xozotdel”in müdiri olanda işin-gücün aftafa almaq, təsərrüfat işlərinə baxmaq olub. Binəqədidə ofisin var idi, kirayə evlər təklif edib pul qazanırdın. Binəqədidə avtobus marşrutların var idi. 
Saatlıda icra başçısı olandan sonra yığdığın milyonların hesabına Binəqədidə xeyli ticarət obyektlərin, evlərin, mülklərin də oldu. Hətta  İlhamə adlı xanıma 100 minlik mülk də bağışladın. 
Və birdən Ramiz Mehdiyevin sayəsində ulduzun parladı...amma binəva Saatlı camaatının işığı söndü...
Təsəvvür edirsiniz, keçmişi elə olan, sonrası icra başçısı kreslosunu məngirləyən Siraqəddin Cabbarov bir nəfərə 100 minlik ev bağışlayır, Binəqədidə işləyəndə amma...
..Qarabağ  şəhidinin ailəsinə 5 dəqiqə vaxt ayırmaq istəmir. 
İkinci Qarabağ Müharibəsində şəhid olanların ailələri icra başçısı Siraqəddinin davranışlarından və üzərinə düşən qanuni vəzifələrini icra etməməsindən dövlət qurumlarına nə qədər şikayət yazırlar.  
İcra başçısı öz isti kabinetində oturub milçək qovur, amma  bayırda gözləyən vətəndaşları qəbul etmir...
Adam oğlu adam, başa düşürsənmi, dövlət sənə ən yüksək maaş verir ki, insanları qəbul edəsən, dinləyəsən...
Sən dünənki aftafa satan, professordan çox maaş  alırsan. Niyə ? 
Sən insanları qəbul etmirsən,  həmin narazı insanlar da üz tutur mətbuata, sosial şəbəkələrə...
Ay adam, siz bunları başa düşmürsünüz ? 
Bu narazı insanlar bir gün  cəmiyyətimiz üçün problemə çevriləcək. Bunu istəyirsiniz ..?
Bəlkə,  məqsədiniz var ?  Bəlkə, kimlərsə sizə “təlimat”  verir  ? 
Camaatı,  niyə  çörəyini yediyiniz  bu iqtidardan narazı salırsınız ?
Başa düşürsənmi,  200 min nəfər əhalisi, 80-dən çox kəndi olan rayonun talehini sənə tapşırıblar, ey vəzifədə təsadüfi adam olan Siraqəddin  Cabbarov. 
Şəhid ailələri, qazilər deyir ki, Siraqəddin  Cabbarov bizə nifrət edir, bizi görəndə  elə bil...
Bəlkə, qohumlarını öldürüb bu qazilər, Siraqəddin ? 
Bu adam şəhid ailələrinə, qazilərə həqarətlə yanaşır. 
Hətta qazilər yazır ki, bu adam niyə bizə nifrət edir ?
Qazilərin bir dərmana ehtiyacı olduğu zaman sənin Saatlıda qoyun sürülərin, Sabirabadda  camış fermaların, Binəqədidə mülklərin,  10-dan artıq avtobus marşrutların və daha nələrin…
Allah balalarının sağlığına qismət etsin. Vallah biz narazı deyilik kiminsə varının, dövlətinin çox olmasına, biz istəyərik ki, ölkəmizdə hamı varlı olsun. Heç dilənçimiz də olmasın. 

P.S Sıraqəddin Cabbarovu tanıyan bir şəxs kimi demək istəyərdim ki, yadındadırmı hələ Alı Qocayev Binəqədidə icar başçısı olanda ayağın büdrəmişdi, camadanında olana heç kim yaxın durmurdu. O günlərini yadına sal, xalqımıza yaxşı xidmət et. Onu sən bacararsan.
/Gundelik-baku.com/