Aqrar Xidmətlər Agentliyi niyə “Ağ çiçəyim”ə nəzarət etmir ? - “Ağçiçəyim” mağazalar şəbəkəsi dövlətə nə qədər vergi ödəyir ?

Birinci ondan başlayaq ki, hələ sovet dövründə  gül biznesi ən gəlirli və  ən bahalı biznes hesab olunurdu. 
Həmin dövrdə  Azərbaycanda yetişdirilən güllər  bayramlarda SSRİ-nin bütün şəhərlərində satılır və böyük gəlir gətirirdi. 
Müstəqillik dönəmində də  ölkəmizdə gül biznesi həmişə öndə olub. 
Yəni gül biznesi hər gün şənliklərdə, toylarda, ad günlərində, hətta yas, hüzür məclislərində istifadə olunur. 
Son illər paytaxt Bakıda əsasən  gül biznesi ilə  “Ağ çiçəyim”  gül mağazalar şəbəkəsi məşğul olur. 
Demək olar ki, bütün metro stansiyalarının yaxınlığında  bu şəbəkənin mağazaları var. 
İlk öncə onu qeyd edək ki, 70 illik sovet dövründə bu məsələyə Fitosanitar Dövlət Nəzarəti xidməti  nəzarət edirdi. 
Yəni ölkədə yetişdirilən və ölkəyə idxal olunan  güllərin hamısı nəzarətdə idi. Ki, bitkilərdəki  həşəratlar, ziyanvericilər  yayılmasın. 
Təəssüf ki, son on ildə Kənd Təsərrüfatı Nazirliyində  baş verən rəhbər dəyişiklikləri  bu sahəni diqqətdən kənar qoydu. 
Hətta bu gün  bitki mənşəli məhsullarla  məşğul olan dövlət qurumu yoxdur.
Bütün səlahiyyətlər verilib AXA-ya, yəni Aqrar Xidmətlər Agentliyinə. 
Yəni “Ağ çiçəyim” mağazalar şəbəkəsində satılan güllərə heç bir nəzarət yoxdur. 
Bu məsələ öz  yerində. 
İkinci vacib məsələ odur ki, bu şəbəkənin mağazalarında tez-tez yanğın olur. Məqsəd nədir bəlli  deyil…
Ən pisi odur ki, şəbəkədə  yanğından mühafizə sistemi  yoxdur. 
Yeri gəlmişkən, bir məsələni də diqqətə çatdıraq. 
Ən maraqlısı odur ki,  bir müddət əvvəl  gül biznesi ilə məşğul olan və  “Ağ çiçəyim”in sahibi olduğu bildirilən şəxsin  qarajından  650 min dollar pul oğurlayıb qaçdılar. 
Təsəvvür edirsiniz,  bu adamın qarajında  650 min varsa, onda  gül biznesinin gəlirlərini təsəvvür edin. 
Onda ortaya sual çıxır:
“Ağ çiçəyim”  gül mağazaları şəbəkəsi  dövlətə nə qədər vergi ödəyir ? 
Və nə qədər  vergidən yayınır ? 
Bu ciddi araşdırma mövzusudur. Bizi izləyin. /Gundelik-baku.com/