Rövnəq Abdullayevin “kadrı” Pirallahının icra başçısı Vasif İmanovun MİLYONLUQ MÜLKLƏRİ- Vasif İmanovun HƏBSİ qaçılmazdır…

Rövnəq  Abdullayev getdi....Sən də ŞƏLƏ-ŞÜLƏNİ yığışdır, LƏLƏ VASİF...

Pirallahının icra başçısı Vasif İmanov  880 manat maaşla  5 milyonluq villanı necə alıb ? 

Haqqında  bəhs edəcəyimiz  şəxs, yəni  Pirallahı Rayon İcra hakimiyyətinin başçısı Vasif İmanov 1983-cü ildə Azərbaycan İnşaat Mühəndisləri İnstitutunu  bitirib və 10  il  “Avtoyoltikinti” Nazirliyinin 27 saylı Yol İstismar Sahəsində mühəndis-mexanik və baş mexanik kimi çalışıb. 
Sonradan  1991-1999-cu illərdə “Şelflayihətikinti” İstehsalat Birliyinin Tikintinin Mexanikləşdirilməsi və Nəqliyyat İdarəsində istismar şöbəsinin rəisi, baş mühəndis və həmin idarənin rəisi, 2003-2006-cı illərdə Heydər Əliyev adına Bakı Dərin Özüllər Zavodunda direktor müavini, 2006-2013-cü ilin mart ayına qədər ARDNŞ-nin Sosial İnkişaf İdarəsində rəis müavini vəzifəsində çalışmışdır. 
YAP Pirallahı Rayon Təşkilatı İdarə Heyətinin üzvüdür.
Azərbaycan Respublikası Prezidentinin 7 mart 2013-cü il tarixli Sərəncamı ilə Bakı şəhər Pirallahı rayon İcra Hakimiyyətinin Başçısı vəzifəsinə təyin edilmişdir.
Yəni  bu adamın siyasi  trayektoriyasına nəzər salanda bəlli olur ki, Lələ Vasif kimi tanınan icra başçısı  Rövnəq Abdullayevin  “kadro”sudur. 
Dövlətin rəsmi sənədlərində  bu adamın maaşı 880  manat göstərilir. 
Onda ortaya  belə bir sual çıxır: 
İcra başçısı  Şabrandakı, daha dəqiq desək  Gilavar kəndindəki  5 milyon dəyəri olan villanı hansı pulla tikdirib ? 
Bu villa icra başçısı  Vasif İmanovun  çoxsaylı villalarından biridir. 
Özü də  Vasif İmanovun villaları mütəq  qudalarının villası ilə  yanaşı olmalıdır. 
Məlumat üçün qeyd edək ki,  Vasif İmanov  Azərsu-nun sabiq  rəhbəri  Qorxmaz Hüseynovla qudadır. 
Belə ki, Vasif  İmanovun oğlu  Turan Həsənzadə  Qorxmaz Hüseynovun  qızının həyat yoldaşıdır. 
Yeri gəlmişkən,  Turan Həsənzadə Ədliyyə Nazirliyinin Məhkəmə Tibb Ekspertiza Mərkəzində yüksək vəzifə tutur. Və iki il öncə onun adı  içkili vəziyyətdə  qəza törətməsi ilə bağlı  mediada hallanmışdı. 
Cənab icra başçısının adı isə   44 günlük Zəfər  savaşının  iştirakçısı  olan  şəxslə bağlı   mediada ciddi müzakirə olunub. 
Belə ki, icra başçısına işlə bağlı müraciət edən  Qarabağ  qazisinə bir neçə aydan sonra küçədə SÜPÜRGƏÇİ işləmək  təklif olunub. 
Bizə elə gəlir ki, belə icra başçısının özünə küçə süpürtmək daha düz olar. 
Bəli, son  7-8 ildə icra başçısı  Vasif İmanov  Pirallahını  qarış-qarış satıb. 
İcra başçısı  Vasif  adına  uyğun olaraq VAST MMC yaradıb və  milyonlarla dövlət vəsaitini  bu şirkətə köçürərək  mənimsəyir. Oğlunun və digər ailə üzvlərinin hesabına köçürülən pulların dəyəri milyonlar təşkil edir.
Yuxarıda qeyd etdik ki, İmanovu bu vəzifəyə SOCAR – ın sabiq  prezidenti Rövnəq Abdullayev gətirib. Onun sayəsində milyonlar qazanan icra başçısı ağasına dənizkənarında villalar və yaxta hədiyyə edib. İcra başçısının digər qudası isə  “Azərsüvinir” MMC – nin sədri Tariyeldir.  
İcra başçısının  ikinci oğlu  Zöhrab isə  rayonda sahibkarlarla məşğul olur. Onun hərəkətləri artıq  rayonda ciddi  narazılıq yaradıb. 
İcra başçısının  PA-da çalışan şəxslərdən biri ilə qohumluq əlaqəsi olması da bəllidir. 
Düzdür, onunla bizim hər hansı bir problemimiz yoxdur, sadəcə  məlumat üçün qeyd etdik. 
Ümumiyyətlə, icra başçısı  Vasif İmanovun  “ayaması” Lələdir. Yaxınları ona LƏLƏ deyə müraciət edir. 
Amma LƏLƏ həddən artıq  xəsis imici qazanıb. 
Belə ki, insanlara çatası  haqqı yeyir  və hər dəfə də deyir ki, Rövnəq müəllimin  filan  sifarişini icra elədim, bu qədər pul xərclədim…
Yazının sonunda  cənab icra başçısına  üz tutub soruşuruq ki, LƏLƏ, Cənub zonasından gələn, daha doğrusu iş adamlarının  gətirib stolun üstünə qoyduğu  110-dan  kiməsə 1 manat vermisənmi..? 
Niyə yalan danışırsan ? 
Sözün qısası, dalında duran Rövnəq getdi, qudan  Qorxmaz getdi….
Sən də şələ-şüpəni  yığışdır, Lələ…?
P.S Qarşı tərəfin mövqeyini dərc etməyə hazırıq. /Gundelik-baku.com/