10 saylı cəzaçəkmə müəssisəsinin rəis müavini Emin Cəfərov HAVAN-ı satır ... - Emin Cəfərovun əli niyə sınıb ?

Emin Cəfərov  Azəri niyə  döyüb ? 

Emin Cəfərov, otağındakı  divana uzananda Ramazan kişini yada sal....

Məhkumun ailə üzvləri ilə 1dəqiqəlik telefon danışığının qiyməti 1 manatdır…

Gündəlik-Bakı  dəfələrlə  cəmiyyətin ən  böyük problemlərini işıqlandırır, ictimailəşdirir və həllinə nail olmağa  çalışır. 
Dəfələrlə  yazırıq ki, heç kim ölümdən və həbsxanadan  sığortalanmayıb.
Hər kəs  həbsxana həyatı yaşaya bilər. Hətta məhkumlardan hər addım başı pul yığan bəzi abırsız rəis və rəis müavinləri belə. Heç kim bizdən inciməsin dediklərimizi və gələcəkdə deyəcəklərimizi biz yaşamışıq.
Həbsxana  insanı məhv etmək, alçaltmaq yeri deyil, İSLAH yeridir...yəni İSLAH
etmək...tərbiyələndirmək...
Təsəvvür  edirsiniz, adına NƏFƏSLİK dediyimiz  “fortuçka”nı  açmaq üçün  məhkumdan  pul tələb olunur...
Məhkum pul verməlidir ki,  bir udum  təmiz hava  udsun...
Bunu nəinki qanunlar, hətta  ALLAH  götürməz ki, məhkuma  HAVA pulla satılır...  
MƏHKUM  öz  doğmaları ilə 1 dəqiqə danışmaq  üçün  kiməsə  1 manat verməlidir...
Dünyada belə  hallar yoxdur, ancaq  Azərbaycanda, daha dəqiq desək, bizim Penitensiar  Xidmətdə ola bilər...
5 dəqiqə  danışıq   üçün  5 MANAT...(hara baxırsan Rabitə Naziri gərək bunu da Prezident desin)
Dünyada  belə biznes yoxdur ee...
Məhkum da insandır, vətəndaşdır, onun da hüquqları var, sadəcə  cəmiyyətdən təcrid olunub. 
Təəssüf ki,  bu adi həqiqətləri bəzi  cəzaçəkmə müəssisələrinin ( kalon ) rəhbərləri başa düşmək istəmir. 
Həmin kalonun rəisləri  məhkumlara biznes mənbəyi kimi baxırlar. 
Belə kalon rəhbərlərindən biri də 10 saylı cəzaçəkmə müəssisəsinin  rəis müavini  Emin Cəfərovdur. 
Bu adamın  rüşvət və korrupsiya əməlləri barədə ölkə mediasında yazılanları oxuyanda adam dəhşətə gəlir. 
Bu adam başa düşmür ki, cənab Prezident İlham Əliyevin rəhbərliyi altında Penitensiar Xidmət sahəsində  son illər ciddi islahatlar aparılıb, ölkəmizdə məhkumların  hüquqlarının qorunmasına diqqətlə yanaşılır, o  cümlədən cəza-icra siyasəti humanistləşdirilir.
Dövlət başçısının və Birinci vitse-prezident Mehriban xanım Əliyevanın təşəbbüsü ilə qəbul olunan əfv və amnistiya aktları, xeyli sayda məhkumun  əfv edilməsi dövlətimizin humanist siyasətinin göstəricisidir. 
Eyni zamanda azadlıqdan məhrum etmə cəzasının tətbiqinin azaldılması, alternativ cəzalara üstünlük verilməsi, ev dustaqlığı, bir sözlə, cəza siyasətinin humanistləşdirilməsi çox mütərəqqi addımlardır. 
Görəsən bütün bunları Emin Cəfərov başa düşmür ? 
Kalona yeni məhkum gələn kimi Emin Cəfərov sanki qol götürüb oynayır,  düşünür ki, rüşvət-pul gəlib. 
Bu adam lap axırıncı yola getməklə, məhkumların hesabına milyonlar qazanıb. 
Təsəvvür edirsiniz  indiki  pandemiya dövründə, koronavirus dövründə  insanlarda  OKSİGEN  çatışmazlığı var  və…
Emin Cəfərov deyir ki, kim  pul versə, FORTUÇKA-nı açacam… (söhbət karsdan gedir)
Bunun bircə adı var : Allahsızlıq…
Sən kimsən havanı satırsan, adam…?
Bütün bunlar azmış kimi Emin Cəfərov 10 saylı kolonda  əməlli-başlı  telefon biznesi yaradıb. 
Məhkumun öz  ailə üzvləri ilə 1 dəqiqəlik telefon danışığının  qiyməti 1 manatdır. 5 dəqiqə danışdın 5 manat və s. 
Emin Cəfərov 1 gündə  telefon danışıqlarının hesabına məhkumlardan külli miqdarda pul yığır. 
Görəsən Rabitə nazirliyi  Emin Cəfərovun bu qanunsuz əməllərini görmür, görürsə niyə qarşısını almır ? 
Söhbət kiçik məbləğdən deyil, hər gün 20 min manatdan gedir. Görəsən bu məbləğin  yarısını dövlətin büdcəsinə keçirmək olmazmı ? 
Bütün bunlar azmış  kimi  Emin Cəfərovla bağlı   Gündəlik-Bakıya  ilginc məlumatlar daxil olub. 
Görəsən, Emin Cəfərovun  əli niyə sınıb ? 
Görəsən, Emin Cəfərov  istirahət otağındakı  DİVAN-ın üstündə uzananda nə düşünür ? 
Bəlkə, Emin Cəfərovun yadına salaq ki,  həmin divan  Ramazan kişiyə  məxsusdur…
İnanmırsınızsa,  yoxlaya bilərsiniz….
Emin Cəfərovdan soruşmaq lazımdır ki, karantin məsələlərinə baxan Azəri niyə döymüsən ? 
Təsəvvür edirsiniz, türmənin  içindən türməyə keçmək üçün  Emin Cəfərov 10 min manat rüşvət tələb edir…
Yəni  həbsxanada  karantindən  zona keçmək üçün  10 min  pul verməlisən…
Və Emin Cəfərov  bütün bunları Azərin əli ilə həyata keçirir. Və üstü açılanda  Azəri döyür …və öz əlini sındırır. 
Hətta bununla kifayətlənməyərək,  Azəri  3 gün “smenka”da    saxlayıb. 
Buradan  Emin Cəfərova deyirik ki, bizdən də 500 manat almışdın haa….haramın olsun….o  500 manatı sənə 500 dəfə  yada salacağıq….
Emin Cəfərovun yadına  bir məsələni də  salmaq istəyirik. 
Adam, sənin atanın  bu dövlətin yolunda zəhməti və əməyi çox olub.  Amma heç olmasa, öz valideyininə  hörmət elə….
Sən  az qala  məhkumların iki alt paltarlarından birini də istəyəcək dərəcədə tamahkarlıq  edirsən….
Yəni, Emin Cəfərov, sən ən axırıncı  yola  gedirsən…
Əli-qolu bağlı  məhkumların sonuncu qəpiyini almağa  hazırsan…
Bəli, kalon rəislərinin hamısı sənin kimi  deyil…
Hətta öz cibindən  məhkumlara pul xərcləyən  kalon rəisləri var….
Sözün qısası, Emin Cəfərov, otağındakı DİVANDA uzananda Ramazan kişini hər dəfə gözünün önünə gətir…
Və sonda  Oqtay müəllimə deyirik ki, Emin Cəfərov kimisinə görə, bizdən xahiş etməyin,  dostların yanında bizi üzdən-gözdən salmayın. 
Emin Cəfərov kimisinə görə,  xahiş etməyə dəyməz…
P.S Emin Cəfərov əgər yalan deyiriksə harada istəsən üzünə deyə bilərik. /Gundelik-baku.com/