Vidadi Zeynalovla həbsdə olan Ceyhun Cəfərovun “Qlobal-aqro” şirkəti...- Şirkət Kürdəmirdə sahibkarları etiraz aksiaysına məcbur edir...

Deyəsən, Vidadi Zeynalov  Kürdəxanıya qayıtmalı olacaq....

Ölkəni postneft  dövrünə  hazırlamaq, qeyri-neft  sektorunu, aqrar  sahəni inkişaf etdirmək üçün  cənab Prezident İlham Əliyev aqroparkların yaradılmasını irəli sürüb  və kifayət qədər  dövlət vəsaiti ayrılıb. 
Əslində Azərbaycan tarixən aqrar ölkə olub, ölkəmiz daha çox  pamblğı, baraması, tütünü, çayı, meyvələri, tərəvəzi ilə məşhur olub. 
Yəni aqroparkların yaradılmasının  ciddi zəmini var. Amma...
Əmması odur ki, bəzi məmurlar cənab Prezidentin bu xoş təşəbbüsündən  öz şəxsi maraqlarının ödənməsi, milyonlar mənimsəməsi üçün istifadə edirlər. 
Belə məmurlardan biri də Kürdəmirin sabiq icra başçısı  Ceyhun Cəfərov idi. 
Qısa məlumat üçün qeyd edək ki, əvvəl Tərtərin, sonra Kürdəmirin icra başçısı olan  Ceyhun Cəfərov  Rabitə  Nazirliyinin sabiq Aparat rəhbəri, bir müddət məhkum həyatı  yaşayan  Vidadi Zeynalovun qaynıdır.  
Sözün qısası,  indi haqqında bəhs edəcəyimiz “QLOBAL-Aqro” şirkəti  Ceyhun Cəfərovla  Vidadi Zeynalovun şərikli biznesi olub. 
Ümumiyyətlə,  Kürdəmir rayonunda  3-4 böyük aqropark  yaradılıb. 
Şilyan massivində 6150 hektar sahədə “SM Aqro” MMC tərəfindən aqropark yaradılır. Aqroparkda bu ilin payızında 1500 hektarda buğda, 500 hektarda arpa səpini aparılıb. 
“Vüqar Fermer Təsərrüfatı” MMC tərəfindən isə Muradxan massivində 2500 hektar və “Azər Aqro” MMC Ərəbqubalı massivində 2800 hektar  sahədə aqroparklar yaradılır.
Qeyd edək ki, Kürdəmirdə  yeznə-qayına məxsus olan  ilk aqropark rayonun Pirili massivində yaradılıb. “QLOBAL-Aqro” MMC-yə məxsus olan və 2 min hektar sahədə yaradılan aqroparkda dənli bitkilərin saxlanılması üçün 27 min tonluq anbar, smart dəyirman, habelə yağ və yem emalı zavodlarının,  toxum emalı sexinin tikintisi nəzərdə tutulub.
Dəfələrlə  mediada yazılıb ki,  yeznə-qayının şirkəti  sahibkarları  ciddi  etitaz aksiyalarına məcbur edir. 
Belə ki, bu şirkət  Kürdəmir rayonunda  sahibkarlara məxsus  torpaq sahələrini  zəbt edir  və hökumətin aqrar sektorun inkişafına ayırdığı vəsaitlər  mənimsənilir. 
Daha doğrusu, yeznə-qayının şirkəti təsərrüfat sahiblərinə təzyiqlər etməklə onların torpaq sahələrini əllərindən alırlar. 
Hətta  bu aqroparka  bəzi müxalifət partiya sədrlərinin də şərik olduğu  bildirilir. 
Sözün qısası, həbsxana həyatı yaşayan Ceyhun Cəfərovla yeznəsi, həbsdən azan olan  Vidadi Zeynalov köhnə əməllərini davam etdirirlər. 
Məlumat üçün qeyd edək ki, Vidadi Zeynalovla qaynı  Ceyhun Cəfərovun   Çexiyanın Praqa və Borno şəhərlərində böyük  otelçilik biznesi var. 
Bundan başqa, Vidadi Zeynalovla Ceyhun Cəfərov Çexiyada məşhur istirahət mərkəzi Karlovıy Varyada torpaq sahəsi alaraq burada yan-yana dəbdəbəli iki villa tikdiriblər. 
Nə isə bu qohumların  Nabranda böyük torpaq sahələri, Nəsimi rayonu ərazisində  onlarla mənzili, ticarət obyekti və daha nələr…
Bir sözlə,  həbsdən azad olunan Vidadi  Zeynalov  köhnə əməllərindən qalmır. 
Deyəsən, Vidadi Zeynalov  yenidən Kürdəxanıya qayıtmaq istəyir, eee Vidadi Zeynalov deyirlər "zona" getməmək uğrunda böyük çabalar göstərirmişsən. Dedində, elədində. Amma Loğman səninlə bağlı maraqlanırmış. Maraqlı olmuşlarından bizə söhbət açmaq istəyir. Yaxşı olsa oxuculara da təqdim edərik.
P.S. Qarşı tərəfin mövqeyini dərc etməyə hazırıq. /Gundelik-baku.com/