Ekologiya Nazirliyində nə baş verir ?- Milyonçu Firdovsi Əliyev 19 ildir ekologiya nazirinin müavinidir …

Oğuzda, Qəbələdə, Lerikdə meşələri qırdıran Firdovsi Əliyev şair Nəsimin yubileyində 650 min ağac əkmək istəyir…

Nazir  Muxtar Babayev, onun müavinləri Rauf Hacıyev, Vüqar Kərimov və Rəşad Allahverdiyev...

Ekologiya və Təbii  Sərvətlər  nazirliyi  barədə söhbət düşəndə ilk öncə ağıla  uzun illər  qurumda nazir müavini işləyən  Firdovsi Əliyev  gəlir. 
Qısa məlumat üçün bildirək ki, Əliyev Firdovsi Şahmirzə oğlu 1961-ci ildə  Lerik rayonununda doğulub. 
1983-cü ildə Azərbaycan Dövlət Pedaqoji Universitetinin coğrafiya-biologiya fakültəsini bitirib.
1988-1991-ci illərdə Azərbaycan Respublikası Elmlər Akademiyası Coğrafiya İnstitutunda aspirant olub.
1991-1993-ci illərdə AMEA Coğrafiya İnstitutunda kiçik elmi işçi, 1993-2000-ci illərdə AMEA Torpaq və Aqrokimya İnstitutunda böyük elmi işçi vəzifəsində çalışıb.
1994-cü ildən kənd təsərrüfatı elmləri namizədidir. Yeni Azərbaycan Partiyası Siyasi Şurasının üzvüdür.
2000-ci ildə Bakı Dövlət Universitetinin hüquq fakültəsini bitirib. 
1995-2000-ci illərdə Azərbaycan Respublikası Milli Məclisinin deputatı olub.
2002-ci ildə Azərbaycan Respublikasının Ekologiya və Təbii Sərvətlər Nazirliyində Ekoloji Siyasət İdarəsinin rəisi və 2003-cü ildə Ekspertiza İdarəsinin rəisi işləyib.
2004-cü ildən Azərbaycan Respublikası Ekologiya və Təbii Sərvətlər Nazirinin müavinidir.
Bəli, bu şəxs  19 ildir  Ekologiya nazirinin müavinidir. 
Bəli, 19 ildir ki,  bu adam Azərbaycan meşələrinə sanki qənim kəsilib.
Bu adamdan soruşmaq lazımdır ki, Qarabağda, Kəlbəcərdə ermənilərin çoxillik meşələrimizdə törətdikləri yangınları, yaşıllıqların soyqırımını, vandalizmi başa düşürük. Bunları törədən ermənilərdir.
Bəs  sizin işçiləriniz niyə meşələrimizi məhv edirlər ? 
Firdovsi Əliyev,  Oğuz, Qəbələ meşələri  sizin əlinizdən dad  deyir. Siz isə...
Bəli, Firdovsi Əliyev deyir ki, Azərbaycan şairi və mütəfəkkiri İmadəddin Nəsiminin 650 illik yubileyi ilə əlaqədar bir gün ərzində 650 min ağacın əkilməsini planlaşdırırıq...
Firdovsi Əliyev,  sən ağacları məhv etmə,  ağac əkməyin lazım deyil...
Sən  Qəbələdə, Oğuzda, Lerikdə  mebel  mafiyası üçün  100 minlərlə  ağacı  məhv etdirdin və  milyonlar qazandın. 
İndi dahi şairin adından istifadə edib guya ağac əkmək istəyirsən...
Meşələri məhv etməyi bir yana  Firdovsi Əliyev hətta “Vətənə xidmətə görə” orden  də alıb. 
Firdovsi Əliyev,  sənin bu vətən qarşısında hansl xidmətin olub ? 
Nazirliyin Meşə Təsərrüfatlarına  təyin etdiyin müdirlərdən aldığın hədiyyələrin hesabına qurduğun biznesin miqyası xarici ölkələrə qədər gedib çıxır....
Hərdən Meşə işçiləri  həbs ediləndə sən yada düşürsən...
O sıravi meşə işçilərinin nə günahı var ?
Bütün bu cinayət əməllərinin başında  19 ildir sən dayanmısan...
Hər dəfə söhbət düşəndə  özünü xəstə kimi  qələmə verirsən, guya  naxoşsan...
Bəli, Azərbaycan təbiətini müalicə etmək üçün ilk növbədə  Firdovsi Əliyevdən başlamaq lazımdır...
Amma  problem təkcə Firdovsi Əliyevlə bitmir. 
Bəs  onunla eyni məsuliyyəti bölüşən digər müavinlər və Aparat rəhbəri  hara baxır ? 
Məsələn,  cənab nazir Muxtar Babayevin digər müavinləri Rauf Hacıyev, Vüqar Kərimov, Aparatın rəhbəri  Rəşad Allahverdiyev, Ətraf mühitin  və təbii  sərvətlərin tənzimlənməsi şöbəsinin müdiri  Xalıqverdi Hüseynov, Su ehtiyatları idarəedilməsi şöbəsinin müdiri Mütəllim Əbdülhəsənov, Maliyyə və iqtisadiyyat şöbəsinin müdiri Nəciməddin Orucov  və digər  şöbə  rəhbərləri  nə işlə məşğuldurlar ? 
Yəni  söhbət təkcə  Firdovsi Əliyevdən getmir. 
Bütövlükdə  nazirliyin fəaliyyəti yoxlanılmalı  və hər kəs layiq olduğu cəzanı almalıdır. 
Növbəti yazıda  nazirliyin digər məsul şəxslərinin konkret olaraq əməllərini araşdıracağıq.
P.S Yazıda adları çəkilən hər bir şəxsin mövqeyini dərc etməyə hazırıq. /Gundelik-baku.com/