Xızı rayonunun Xozeyn(i) Əliyevi…. - Kənd Təsərrüfatı naziri İnam Kərimovun Xozeynin əməllərindən xəbəri yoxdur ?

Kartofun  kilosu  2 manata yaxınlaşır, Xızı  Aqrar mərkəzin müdiri  “Xozu”  isə  torpaq alveri ilə məşğuldur…

Gündəlik-Bakı  olaraq  aqrar sahədə, daha dəqiq desək  Kənd Təsərrüfatı Nazirliyi sistemində son illər baş  verən tənəzzül,  təcrübəli kadrların  işdən uzaqlaşdırılması  barədə kifayət qədər yazmışıq. 
Təkcə onu deyək ki, son illər Kənd Təsərrüfatı Nazirlriyinin  tabeçiliyində olan xeyli sayda qurum ləğv olunub, heç bir əhəmiyyəti olmayan yeni xidmətlər yaranıb, sözün qısası, bu sahə kimlərinsə təcrübə poliqonuna çevrilib. 
İnam Kərimova  başa salan yoxdur ki, ölkə  iqtisadiyyatı  sənin üçün  təcrübə dovşanı-zad deyil ee, eksperiment aparasan....
Nə isə  İnam Kərimovun  son 1 ildə  apardığı  “reforma”lardan bir neçəsini yada salaq.  
Dünyanın hər yerində olan Baytarlıq  və Fitosanitar Dövlət Nəzarəti Xidmətləri bizim respublikada ləğv edildi.
Niyə və nə üçün ?  
Və  1 ildən sonra  həmin xidmətlərin əsasında  yeni bir qurum  Aqrar Xidmətlər Agentliyi yaradıldı. 
Nazir İnam Kərimovdan soruşan lazımdır ki, bu qurumları niyə ləğv edirdin və 1 ildən sonra niyə bərpa edirsən..? 
Axı, İnam Kərimov bu sahənin adamı deyil, heç başı da çıxmır. 
ASAN  Xidmətdən  gələn İnam Kərimov ASAN Xidmətdə çalışan dostlarını, tarix müəllimlərini, regionşünasları yığıb gətirib nazirliyə. 
Ona görə də bu gün Azərbaycanda kartofun kilosu az qala 2 manata çatıb. Eləcə də digər  kənd təsərrüfatı  məhsullarının. 
Sözün qısası,  əvvəllər  rayonlarda aqrar şöbə var idi. 
İnam Kərimov  nazir olandan sonra guya islahat adı ilə şöbələri  ləğv etdi və  rayonlarda  Aqrar İnkişaf Mərkəzi yaratdı. 
Və 70-80  rayonda  təcrübəli kadrları işdən uzaqlaşdırıb, özü kimiləri aqrar  sahədən anlayışı olmayan şəxsləri Aqrar İnkişaf Mərkəzlərinə müdir təyin elədi. 
Bir soruşan olmadı ki, rayona  Aqrar Mərkəzə  müdir təyin olunan şəxslərin bitkiçilikdən, baramadan, tütündən, pambıqdan başı çıxır, yoxsa yox ? 
Belə Mərkəz müdirlərindən biri də İnam Kərimovun  dostu Xozeyin Əliyevdir. 
Hamı gözəl bilir ki, hətta  sovet dövründə  Abşeron və Xızı kimi rayonlar paytaxt Bakını kənd təsərrüfatı məhsulları ilə təmin etmək üçün ən əlçatan yer idi. 
Xızının  münbit torpaqları, havası, iqlimi  aqrar  sahənin inkişafı üçün ən əlverişli yerdi. Amma…
Əmması odur ki, məmurların çoxu  Xızıya iqtisadi  cəhətdən deyil, məhz  dincəlmək yeri kimi baxırlar. Və bu rayonda  hər məmurun  neçə hektar torpağı və həmin torpaq üzərində villası var. 
Deməli,  torpağın təyinatı dəyişdirilir, kənd təsərürfatı üçün  vacib olan torpaqlar   VİLLA  altına salınır. 
Bu işdə  XOZEYİN müəllimin də xidmətləri  və qazandıqları az deyil. 
Yeri gəlmişkən, bu yaxınlarda  Ucar rayonunda Kənd Təsərrüfatı Nazirliyi yanında Dövlət Aqrar İnkişaf Mərkəzlərinin (DAİM) Respublika müşavirəsi keçirilib.
Müşavirədə  Xozeyin müəllim də iştirak edib və cənab nazir İnam Kərimova xeyli tərif deyib. 
Bu yerdə “Nəsimi”  filmindəki bir dialoq  yada düşür:
-Vəsf et məni, şair…
-Vəsf zamanı deyil, Afət…
Ay Xozu müəllim, bəy tərifi zamanı deyil ee, işləmək lazımdır, birazdan kartofun kilosu  3-4 manat olacaq…
Bax, onda  sənin kimiləri gizlənməyə yer axtaracaq..
Bizdən demək….qalanı…sizlikdir..
P.S Qarşı tərəfin mövqeyini dərc etməyə hazırıq. /Gundelik-baku.com/