FETÖ ittihamı ilə həbs edilən AXCP üzvü azadlıqda

Fətullah Gülən camaatının üzvü olmaqda təqsirləndirilən AXCP üzvü azadlığa çıxıb.
Musavat.com xəbər verir ki, 4 il azadlıqdan məhrumetmə cəzası alan Azərbaycan Xalq Cəbhəsi Partiyasının (AXCP) üzvü Fuad Əhmədlinin cəzası başa çatdığı üçün bu gün azadlığa buraxılıb.
Bildirək ki, Fuad Əhmədli 2016-cı il avqustun 18-də saxlanılıb.
Dövlət Təhlükəsizlik Xidməti və Baş Prokurorluq tərəfindən yayılan rəsmi məlumatda bildirilir ki, F.Əhmədli “Azərfon” MMC-də çalışdığı müddətdə abonentlərin şəxsi məlumatlarını üçüncü şəxsə ötürüb.
Həmçinin bildirilib ki, F.Əhmədlinin mənzilində axtarış zamanı türkiyəli din xadimi Fətullah Gülənin çıxışlarının olduğu kitablar, CD-disklər tapılıb.
Fuad Əhmədli əvvəlcə Cinayət Məcəlləsinin 302 (əməliyyat-axtarış fəaliyyəti üzrə qanunvericiliyi pozma) və 308-ci (vəzifə səlahiyyətlərindən sui-istifadə) maddələri ilə ittiham edilir.
Elan olunmuş ittihamla F.Əhmədli özünü təqsirli bilinirdi.