Bakı və İrəvan nümayəndələri Moskvada görüşəcək

"Bakı və İrəvan nümayəndələri Moskvanın Rusiyada sülh müqaviləsi üzrə Ermənistan-Azərbaycan danışıqlarının növbəti raundunun keçirilməsi təklifini qəbul ediblər. 
Bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
"Tərəfdaşlar ikitərəfli danışıqların növbəti raundunun bizim ərazimizdə keçirilməsi təklifini qəbul etdilər", - deyə Zaxarova qeyd edib. 
XİN rəsmisi vurğulayıb ki, dövlətlər arasında sülh müqaviləsinin hazırlanmasında Rusiya tərəfinin Azərbaycan və Ermənistana hər cür köməklik göstərmək səyləri zəifləmir. O əlavə edib ki, hər şey nəhayət razılaşdırıldıqdan sonra konkret tədbirlərin tarixləri açıqlanacaq.