NATO hərbi təlimlərə başlayır

Aprelin 18-də Latviyada NATO bölmələrinin iştirakı ilə "Namejs 2022" hərbi təlimləri başlayır. 
Xarici KİV xəbər verir ki, təlimlər mayın 27-dək ölkənin bütün bölgələrində keçiriləcək. 
Qeyd olunur ki, təlimlərin ümumi məqsədi müdafiə problemlərinin həlli üçün milli və müttəfiq qüvvələrin inteqrasiyasını təkmilləşdirməkdir. ABŞ, Çexiya, Polşa, Böyük Britaniya, Litva və Estoniyadan olan hərbi birləşmələr "Namejs 2022"nin birinci mərhələsində iştirak etmək üçün Latviyaya gələcəklər.