Tacikistanda zəlzələ olub

Tacikistanın Düşənbə şəhərinin ətrafında 4,3 bal gücündə zəlzələ baş verib.
Bu barədə Özbəkistan Fövqəladə Hallar Nazirliyinin Seysmik Proqnozların Monitorinqi Mərkəzi bildirib.
Məlumata görə, yeraltı təkanlar yerli vaxtla saat 06:24-də (Bakı vaxtı ilə 05:24) baş verib.
Seysmohadisənin ocağı 153 km dərinlikdə yerləşib.
Dağıntı və tələfat barədə məlumat verilməyib.