İrəvan və Bakı qoşunların sərhəddən çıxarılmasını müzakirə edir

İrəvan və Bakı qoşunların Ermənistan-Azərbaycan sərhədindən çıxarılması imkanını müzakirə edir.

Bu barədə Ermənistanın xarici işlər naziri Ararat Mirzoyan Estoniyanın xarici işlər naziri Marqus Tsahkna ilə keçirdiyi brifinqdə deyib. 

"Biz qoşunların Ermənistan-Azərbaycan sərhədindən çıxarılması təşəbbüsü ilə çıxış etdik, inanırıq ki, bu, müsbət təsir göstərəcək. Demirəm ki, bizim razılaşmamız var, amma bu, müzakirə olunan ideyadır", - Mirzoyan bildirib.

O vurğulayıb ki, etimadın yaradılması yolunda bu sazişlərdən başqa digərləri də müzakirə olunur, məsələn, məhbus mübadiləsi sazişi.