Başqırdıstanın səhiyyə naziri avtomobil qəzasında ağır xəsarət alıb

Rusiya Federasiyasının Başqırdıstan Respublikasının səhiyyə naziri Ayrat Raxmatullin avtomobil qəzasında ağır xəsarət alıb.

Bu barədə “Başkortostan” Dövlət Televiziya və Radio Yayımları Şirkəti məlumat yayıb.

Qeyd olunub ki, Karaidel-Birsk avtomobil yolunda 4 avtomobil qəza törədib və nəticədə 2 nəfər hadisə yerində ölüb.

İlkin məlumatlara əsasən, nazirə körpücük sümüyünün qapalı sınığı və kəllə-beyin travması diaqnozu qoyulub və ən yaxın xəstəxanaya aparılıb.

Qəzanın baş vermə şəraiti araşdırılır.