Su basmış evdə köməksiz qalan ahıl şəxs belə xilas edildi - VİDEO

Cəlilabadda su basmış evdə köməksiz qalan ahıl yaşlı şəxslər polis tərəfindən xilas edilib.
Martın 19-də yağan güclü yağışlar nəticəsində Cəlilabad rayonunun Göytəpə şəhəri Sabir küçəsi ərazisində çökək ərazidə yerləşən evlərdən birini su basıb.
Həmin ünvanda yaşayan ahıl yaşlı kişi və qadın köməksiz vəziyyətdə qalıblar. Dərhal əraziyə yaxınlaşan Cəlilabad Rayon Polis Şöbəsinin əməkdaşları tərəfindən həmin şəxslər su basmış evdən çıxarılaraq təhlükəsiz əraziyə aparılıblar.