Bütün Aİ ölkələri Rusiya gəmiləri üçün limanları bağladı

Bütün Avropa İttifaqı (Aİ) ölkələrinin limanları Rusiya gəmiləri üçün girişi bağlayıb. 
Bu barədə Ukrayna Prezident Aparatının rəhbəri Andrey Yermak məlumat verib.
"Aİ-nin ruslara qadağa ilə bağlı direktivi qüvvəyə minib. Bu, Rusiya bayrağı altında qeydiyyatdan keçmiş bütün gəmilərə, eləcə də fevralın 24-dən sonra Rusiya Federasiyasında qeydiyyatını dəyişdirmiş gəmilərə şamil edilir", - PA rəhbəri qeyd edib.
Onun sözlərinə görə, istisna yalnız SOS siqnalı göndərmiş gəmilərə aiddir: "Biz bu cür istisnaların necə tətbiq edildiyini və Rusiya Federasiyasının həll yolları üçün onlardan istifadə edib-etməməsinə nəzarət edəcəyik".